Am erschten Tog sei ma mitn Zug undn Taxi auf die Lizumer Hüttn gfohrn.
Idyllisch warn die Berg, mittn im Militärsperrgebiet.
Mit die Schi am Buggl ham ma in erschten Gipfel erklummen. Es war wirklich a schene Aussicht da obn auf da Mölser Sonnenspitz. Nach a sonnigen Abfahrt ham da „@Lucas_mit_c“ und da „@stefanwaldner04“ a Loch im Schnea grobn und uns daklärt wia ma mit da Lawinensituation umgeat unds Schneaprofil interprätiert. Zrugg auf da Hüttn sei ma mit traumhaftem Essen verwöhnt wordn und danach hamma a groaße Hetz ket beim Watten.
Guat hamma gschlafn, mir ham ja a was tan!
Da negschte Tog hat mit grandiosem Wetter und „relativ“ guata Motivation an‘gfangen.
Die Soldaten ham uns kurz begleitet und die Madln warn zutiefscht beeindruckt.
Da Aufstieg war richtig hoscht dafür war die Torspitze umso bäriger. Die Abfahrt war a Traum, richtig geiler Schnea! Nach ana Einführung in die Verschüttetn-Rettung inklusive LVS-Suache, Sondierung und Ausgrabn sei ma rund um die graue Wand zrugg zur Hütte.
Fazit vom Tog: „@Lucas_mit_c“ isch da Inschta-Story Gott.
Am letschtn Tog war ma alle fix und fertig. Mitm ganzn Zeig am Ruggn hamma no 850 Höhenmeta schaffn miasn. Mit genialer mentaler Unterstützung vu da Frau Prof. Pichler sei ma alle am 2857 Meta hoachn „Geier“ ankemmen. Nach ana zachn Gratüberschreitung sei ma durch Lettn und Gatsch oi nach Navis zum Bus.
Glücklich war ma, weil mir hams alle zammen gschafft!
Von Soffi, Mary Berry, Lutzi Futzi und Saimen
